| Folio 180 r (final text) |
| 1A
|
Si ex eodem puncto orizontis ducantur perpendiculus et planum inclinatum, et in plano inclinato sumatur quodlibet punctum, a quo ipsi plano perpendicularis linea usque ad perpendiculum protrahatur, lationes in parte perpendiculi inter orizontem et occursum perpendicularis intercepta, et in parte plani inclinati inter eandem perpendicularem et orizontem intercepta, eodem tempore absolventur. |
| 1B
|
Sint ex eodem puncto c orizontis ab perpendiculus cd et planum inclinatum ce, et in ce sumpto quolibet puncto f, ex eo ad ec perpendicularis agatur fg, occurrens perpendiculo in puncto g: dico, lationes per cg et per cf eodem tempore confici. |
| 1C
|
Demittatur ex eodem puncto f perpendicularis ad orizontem fh, quae erit perpendiculo cd parallela, et angulus hfc coalterno fcg aequalis, et rectus chf recto cfg: quare aequiangula erunt triangula chf, cfg, et ut hf ad fc, ita fc ad cg. Ut autem hf, fc, ita momentum gravitatis mobilis in plano ce ad totale suum momentum in perpendiculo cd. Habet igitur distantia cf ad distantiam cg eandem rationem quam gravitatis momentum super plano ce ad totale momentum per perpendiculum cg: quare eodem tempore conficientur lationes per cf et cg. |
