Overview Level of Folio 161 v


Size Height 305 mm, width 204 mm.
Watermark Crossbow, form 2. Drake's identification: Watermark type 17. Drake's description: Large crossbow 57 X 36mm. Date of earliest letter with this watermark is February 1609.
Comments Written by Galileo; contains text, drawing. Relation to the Discorsi: draft of 2/33-pr-12.
References Wisan 1974 232
Folio 161 v (final text)
1A Dato perpendiculo et plano ad ipsum inclinato, quorum eadem sit altitudo idemque terminus sublimis, punctum in perpendiculo supra terminum communem reperire, ex quo si demittatur grave, quod postea convertatur per planum inclinatum, ipsum planum inclinatum conficiat eodem tempore, quo ipsum perpendiculum ex quiete conficeret.
1B Sint perpendiculus et planum inclinatum, quorum eadem sit altitudo, ab, ac: oportet in perpendiculo ba, producto ex a in h, punctum invenire, ex quo demissum mobile conficiat spacium ac eodem tempore, quo conficit perpendiculum ab ex quiete in a. Ponatur dce ad rectos angulos ad ac, et secetur cd aequalis ab, et iungatur ad, quae maior erit ipsa dc, et angulus adc maior angulo cad. Fiat angulus dae aequalis angulo ade, et ad ipsam ae perpendicularis sit ef, plano inclinato et extenso occurrens in f, et utraque ai, ag ponatur ipsi cf aequalis, et per g orizonti aequidistans gh. Dico, h esse punctum quod quaeritur.
1C Intelligatur enim, tempus casus per perpendiculum ab esse ab; erit tempus per ac ex a ipsa ac: cumque in [tri]angulo rectangulo aef ab angulo recto e perpendicularis ad basim af sit acta ec, erit ae media inter fa, ac, et ce media inter ac, cf, hoc est inter ca, ai: et cum ipsius ac tempus ex a sit ac, erit ae tempus totius af, et ec tempus ipsius ai. Quia vero in [tri]angulo aequicruri aed latus ae est aequale lateri ed, erit ed tempus per af, et est ec tempus per ai: ergo cd, hoc est ab, erit tempus per if ex quiete in a; quod idem est ac si dicamus ab esse tempus per ac ex g, seu ex h: quod erat determinandum.


Overview Level of Folio 161 v